ਜੇਦਾਹ ਤੋਂ ਕੋਜ਼ੀਕੋਡ ਆ ਰਹੀ ਏਅਰ ਇੰਡੀਆ ਐਕਸਪ੍ਰੈੱਸ ਉਡਾਣ ਦੀ ਕੋਚੀ ’ਚ ਇਹਤਿਆਤੀ ਲੈਂਡਿੰਗ

ਜੇਦਾਹ ਤੋਂ ਕੋਜ਼ੀਕੋਡ ਜਾ ਰਹੀ ਏਅਰ ਇੰਡੀਆ ਐਕਸਪ੍ਰੈਸ ਦੀ ਉਡਾਣ ਨੂੰ ਵੀਰਵਾਰ ਨੂੰ ਕੋਚੀ ਕੌਮਾਂਤਰੀ ਹਵਾਈ ਅੱਡੇ ’ਤੇ ਲੈਂਡਿੰਗ ਗੀਅਰ ਅਤੇ ਟਾਇਰ ਫੇਲ੍ਹ ਹੋਣ ਦੀਆਂ ਸਮੱਸਿਆਵਾਂ ਕਾਰਨ ਇਹਤਿਆਤੀ (Precautinary) ਲੈਂਡਿੰਗ ਕਰਨੀ ਪਈ। ਉਡਾਣ ਵਿਚ 160 ਯਾਤਰੀ ਸਵਾਰ ਸਨ।ਕੋਚੀਨ ਕੌਮਾਂਤਰੀ ਹਵਾਈ ਅੱਡਾ ਲਿਮਟਿਡ (CIAL) ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਜੇਦਾਹ ਤੋਂ ਕੋਜ਼ੀਕੋਡ ਜਾ ਰਹੀ ਏਅਰ ਇੰਡੀਆ ਐਕਸਪ੍ਰੈਸ ਫਲਾਈਟ IX 398 ਦੀ ਸੁਰੱਖਿਅਤ ਇਹਤਿਆਤੀ ਲੈਂਡਿੰਗ ਸਫਲਤਾਪੂਰਵਕ ਯਕੀਨੀ ਬਣਾਈ ਗਈ। ਇਸ ਉਡਾਣ ਨੂੰ ਮੁੱਖ ਲੈਂਡਿੰਗ ਗੀਅਰ ਅਤੇ ਟਾਇਰ ਫੇਲ੍ਹ ਹੋਣ ਨਾਲ ਸਬੰਧਤ ਤਕਨੀਕੀ ਸਮੱਸਿਆ ਕਾਰਨ ਕੋਚੀ ਵੱਲ ਮੋੜ ਦਿੱਤਾ ਗਿਆ ਸੀ।ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਜਹਾਜ਼ ਸਵੇਰੇ 09.07 ਵਜੇ ਪੂਰੀ ਐਮਰਜੈਂਸੀ ਸਥਿਤੀਆਂ ਵਿੱਚ ਸੁਰੱਖਿਅਤ ਢੰਗ ਨਾਲ ਉਤਰ ਗਿਆ। CIAL ਦੇ ਬੁਲਾਰੇ ਨੇ ਕਿਹਾ ਕਿ ਸਾਰੀਆਂ ਐਮਰਜੈਂਸੀ ਸੇਵਾਵਾਂ ਪਹਿਲਾਂ ਹੀ ਸਰਗਰਮ ਕਰ ਦਿੱਤੀਆਂ ਗਈਆਂ ਸਨ, ਅਤੇ ਯਾਤਰੀਆਂ ਜਾਂ ਚਾਲਕ ਦਲ ਵਿੱਚੋਂ ਕਿਸੇ ਦੇ ਵੀ ਕੋਈ ਸੱਟ ਫੇਟ ਦੀ ਰਿਪੋਰਟ ਨਹੀਂ ਹੈ। ਲੈਂਡਿੰਗ ਤੋਂ ਬਾਅਦ ਕੀਤੀ ਜਾਂਚ ਤੋਂ ਪੁਸ਼ਟੀ ਹੋਈ ਕਿ ਸੱਜੇ ਪਾਸੇ ਦੇ ਦੋਵੇਂ ਟਾਇਰ ਫਟ ਗਏ ਸਨ। ਉਪਰੰਤ ਰਨਵੇ ਨੂੰ ਸਾਫ਼ ਕਰ ਦਿੱਤਾ ਗਿਆ।