ਇਰਾਨ ’ਚ ਫੌਜੀ ਹੈਲੀਕਾਪਟਰ ਨੂੰ ਹਾਦਸਾ; 4 ਮੌਤਾਂ

ਇਰਾਨ ਵਿੱਚ ਫੌਜੀ ਹੈਲੀਕਾਪਟਰ ਫਲ ਅਤੇ ਸਬਜ਼ੀ ਮਾਰਕੀਟ ’ਚ ਹਾਦਸਾਗ੍ਰਸਤ ਹੋ ਗਿਆ। ਹਾਦਸੇ ਵਿੱਚ ਚਾਰ ਜਣਿਆਂ ਦੀ ਮੌਤ ਹੋ ਗਈ। ਇਰਾਨ ਦੇ ਸਰਕਾਰੀ ਟੈਲੀਵਿਜ਼ਨ ਮੁਤਾਬਕ ਹਾਦਸਾ ਰਾਜਧਾਨੀ ਤਹਿਰਾਨ ਦੇ ਦੱਖਣ ਵਿੱਚ ਕੋਈ 330 ਕਿਲੋਮੀਟਰ ਦੂਰ ਇਸਫਾਹਨ ਸੂਬੇ ਦੇ ਡੋਰਚੇ ਕਸਬੇ ਵਿੱਚ ਹੋਇਆ। ਇਸਫਾਹਨ ਵਿੱਚ ਇਰਾਨ ਦੇ ਪ੍ਰਮੁੱਖ ਹਵਾਈ ਬੇਸ ਦੇ ਨਾਲ ਪਰਮਾਣੂ ਟਿਕਾਣਾ ਵੀ ਹੈ, ਜਿਸ ਨੂੰ ਅਮਰੀਕਾ ਨੇ ਜੂਨ ਵਿੱਚ ਇਰਾਨ-ਇਜ਼ਰਾਈਲ ਜੰਗ ਦੌਰਾਨ ਨਿਸ਼ਾਨਾ ਬਣਾਇਆ ਸੀ। ਸਰਕਾਰੀ ਟੀ ਵੀ ਨੇ ਕਿਹਾ ਕਿ ਫੌਜੀ ਹੈਲੀਕਾਪਟਰ ਸਿਖਲਾਈ ਉਡਾਣ ਉੱਤੇ ਸੀ। ਹਾਦਸੇ ਵਿੱਚ ਪਾਇਲਟ ਤੇ ਸਹਿ-ਪਾਇਲਟ ਦੀ ਮੌਤ ਹੋ ਗਈ। ਇਰਾਨ ਦੀ ਨੀਮ ਸਰਕਾਰੀ ਖ਼ਬਰ ਏਜੰਸੀ ਫ਼ਾਰਸ ਨੇ ਕਿਹਾ ਕਿ ਹਾਦਸੇ ਕਰ ਕੇ ਜ਼ਮੀਨ ’ਤੇ (ਮਾਰਕੀਟ ਵਿੱਚ) ਵੀ ਦੋ ਲੋਕਾਂ ਦੀ ਮੌਤ ਹੋ ਗਈ। ਪਿਛਲੇ ਇਕ ਹਫ਼ਤੇ ਦੌਰਾਨ ਇਰਾਨ ਵਿੱਚ ਇਹ ਦੂਜਾ ਜਹਾਜ਼ ਹਾਦਸਾ ਹੈ।