ਸੰਯੁਕਤ ਰਾਸ਼ਟਰ ਦੇ ਪ੍ਰਮਾਣੂ ਨਿਗਰਾਨ, ਅੰਤਰਰਾਸ਼ਟਰੀ ਪਰਮਾਣੂ ਊਰਜਾ ਏਜੰਸੀ (IAEA) ਨੇ ਕਿਹਾ ਕਿ ਸਥਾਨਕ ਜੰਗਬੰਦੀ ਜ਼ੋਨਾਂ ਦੀ ਸਥਾਪਨਾ ਤੋਂ ਬਾਅਦ, ਯੂਕਰੇਨ ਦੇ ਜ਼ਾਪੋਰਿਜ਼ੀਆ ਪ੍ਰਮਾਣੂ ਪਲਾਂਟ ’ਤੇ ਖਰਾਬ ਹੋਈਆਂ ਬਿਜਲੀ ਲਾਈਨਾਂ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਹੋ ਗਿਆ ਹੈ।
ਇਹ ਪਲਾਂਟ, ਜੋ ਕਿ ਮਾਰਚ 2022 ਤੋਂ ਰੂਸ ਦੇ ਕੰਟਰੋਲ ਹੇਠ ਹੈ, ਦਾ 23 ਸਤੰਬਰ ਨੂੰ ਗਰਿੱਡ ਨਾਲ ਸੰਪਰਕ ਟੁੱਟ ਗਿਆ। IAEA ਦੇ ਮੁਖੀ ਰਾਫੇਲ ਗ੍ਰੋਸੀ ਨੇ ਕਿਹਾ ਕਿ ਜੰਗਬੰਦੀ ਨੇ ਮੁਰੰਮਤ ਨੂੰ ਸੰਭਵ ਬਣਾਇਆ ਹੈ ਅਤੇ ਦੋਵਾਂ ਧਿਰਾਂ ਨੇ ਇਸ ‘ਜਟਿਲ ਮੁਰੰਮਤ ਯੋਜਨਾ’ ‘ਤੇ ਸਹਿਯੋਗ ਕੀਤਾ ਹੈ। ਬਿਜਲੀ ਬੰਦ ਹੋਣ ਤੋਂ ਬਾਅਦ, ਯੂਰਪ ਦੇ ਸਭ ਤੋਂ ਵੱਡੇ ਪਰਮਾਣੂ ਪਾਵਰ ਪਲਾਂਟ ਨੂੰ ਬੈਕਅੱਪ ਡੀਜ਼ਲ ਜਨਰੇਟਰਾਂ ਦੁਆਰਾ ਚਲਾਇਆ ਜਾ ਰਿਹਾ ਹੈ। IAEA ਦਾ ਕਹਿਣਾ ਹੈ ਕਿ ਸੁਰੱਖਿਆ ਬਣਾਈ ਰੱਖੀ ਗਈ ਹੈ, ਰਿਐਕਟਰਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਠੰਢਾ ਕੀਤਾ ਜਾ ਰਿਹਾ ਹੈ।
