ਚੀਨ ’ਚ ਟਾਈਫੂਨ ‘ਡਾਲਫਿਨ’ ਦਾ ਖ਼ਤਰਾ: 162 km/h ਦੀ ਰਫ਼ਤਾਰ ਨਾਲ ਵਧ ਰਿਹਾ ਤੂਫ਼ਾਨ, ਸਕੂਲ ਤੇ ਸੈਰ-ਸਪਾਟਾ ਬੰਦ

ਟਾਈਫੂਨ ਡਾਲਫਿਨ ਦੇ ਤੱਟ ਵੱਲ ਵਧਣ ਕਾਰਨ ਸ਼ਨੀਵਾਰ ਨੂੰ ਪੂਰਬੀ ਚੀਨ ਵਿਚ ਸਕੂਲ ਤੇ ਸੈਰ-ਸਪਾਟਾ ਸਥਾਨ ਬੰਦ ਕਰ ਦਿੱਤੇ ਗਏ। ਤੂਫਾਨ ਦੀ ਰਫ਼ਤਾਰ 162 ਕਿਲੋਮੀਟਰ ਪ੍ਰਤੀ ਘੰਟਾ ਮਾਪੀ ਗਈ ਹੈ। ਇਸ ਨਾਲ ਭਾਰੀ ਮੀਂਹ ਪਵੇਗਾ, ਜਿਸ ਨਾਲ ਭਾਰੀ ਹੜ੍ਹ ਤੇ ਲੈਂਡਸਲਾਈਡ ਦਾ ਖਤਰਾ ਬਣ ਗਿਆ ਹੈ।ਇਹ ਐਤਵਾਰ ਦੇਰ ਰਾਤ ਤੱਕ ਝੇਜ਼ਿਆਂਗ ਸੂਬੇ ਤੇ ਤੱਟਵਰਤੀ ਫੁਜਿਆਨ ਸੂਬੇ ਦੇ ਉੱਤਰੀ ਹਿੱਸਿਆਂ ਨੂੰ ਟੱਕਰ ਮਾਰ ਸਕਦਾ ਹੈ। ਸ਼ੰਘਾਈ ਵੀ ਤੂਫਾਨ ਦੇ ਰਸਤੇ ਵਿਚ ਹੈ। ਰਾਸ਼ਟਰੀ ਅਧਿਕਾਰੀਆਂ ਨੇ ਤੀਜੇ ਪੱਧਰ ਦੀ ਐਮਰਜੈਂਸੀ ਦਾ ਐਲਾਨ ਕੀਤਾ ਹੈ। ਝੇਜ਼ੀਆਂਗ ਵਿਚ ਕਈ ਸੈਰ ਸਪਾਟਾ ਸਥਾਨ ਸ਼ਨੀਵਾਰ ਤੇ ਐਤਵਾਰ ਨੂੰ ਬੰਦ ਰਹਿਣਗੇ, ਨਾਲ ਹੀ ਕਿਸ਼ਤੀ ਜਹਾਜ਼ ਸਫ਼ਰ ਅਤੇ ਹੋਰ ਕਿਰਦਾਰਾਂ ਸਮੇਤ ਹੋਰ ਸਰਗਰਮੀਆਂ ਵੀ ਬੰਦ ਰਹਿਣਗੀਆਂ। ਸੂਬੇ ਦੇ ਸਭ ਤੋਂ ਵੱਡੇ ਸ਼ਹਿਰਾਂ ਵਿਚੋਂ ਇੱਕ ਨਿੰਗਬੋ ਸ਼ਹਿਰ ਦੇ ਅਧਿਕਾਰੀਆਂ ਨੇ ਇਸ ਹਫ਼ਤੇ ਦੇ ਅਖੀਰ ਵਿਚ ਸਰਕਾਰੀ ਸਕੂਲਾਂ ਅਤੇ ਹੋਰ ਸਿੱਖਿਆ ਸੰਸਥਾਵਾਂ ਨੂੰ ਬੰਦ ਰੱਖਣ ਦੇ ਹੁਕਮ ਦਿੱਤੇ ਹਨ।