ਸਿਵਲ ਏਵੀਏਸ਼ਨ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਅੱਜ ਕਿਹਾ ਕਿ ਇੰਡੀਗੋ ਨੇ 10 ਫਰਵਰੀ ਤੋਂ ਬਾਅਦ ਸੰਚਾਲ ਸਥਿਰ ਹੋਣ ਅਤੇ ਕੋਈ ਉਡਾਣ ਰੱਦ ਨਾ ਕਰਨ ਦਾ ਭਰੋਸਾ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਕੱਲ੍ਹ ਹੋਈ ਹਫਤਾਵਾਰੀ ਸਮੀਖਿਆ ਮੀਟਿੰਗ ਦੌਰਾਨ ਇੰਡੀਗੋ ਏਅਰਲਾਈਨ ਨੇ ਆਪਣੇ ਮੌਜੂਦਾ ਪ੍ਰਵਾਨਿਤ ਨੈੱਟਵਰਕ, ਵਧੀ ਹੋਈ ਚਾਲਕ ਦਲ ਦੀ ਸਮਰੱਥਾ ਆਦਿ ਬਾਰੇ ਜਾਣਕਾਰੀ ਦਿੱਤੀ। ਡੀਜੀਸੀਏ ਨੇ ਕਿਹਾ ਕਿ ਉਨ੍ਹਾਂ 6 ਦਸੰਬਰ ਤੋਂ 30 ਦਸੰਬਰ, 2025 ਦੇ ਵਿਚਕਾਰ ਇੰਡੀਗੋ ਦੇ ਕੰਮ ਕਾਜ ਦੀ ਜਾਂਚ ਕਰਨ ਲਈ ਆਪ੍ਰੇਸ਼ਨ ਕੰਟਰੋਲ ਸੈਂਟਰ (ਓਸੀਸੀ) ਅਤੇ ਹੋਰ ਮੁੱਖ ਹਵਾਈ ਅੱਡਿਆਂ ’ਤੇ ਦੋ ਫਲਾਈਟ ਅਪ੍ਰੇਸ਼ਨ ਇੰਸਪੈਕਟਰ (ਐਫਓਆਈ) ਅਤੇ ਯਾਤਰੀ ਸਹੂਲਤ ਕਰਮਚਾਰੀ ਤਾਇਨਾਤ ਕੀਤੇ। ਇਸ ਨਿਗਰਾਨੀ ਟੀਮ ਨੂੰ ਏਅਰਲਾਈਨ ਦੇ ਰਿਕਵਰੀ ਪੜਾਅ ਦੌਰਾਨ ਰੋਜ਼ਾਨਾ ਦੇ ਕਾਰਜਾਂ, ਯਾਤਰੀਆਂ ਦੀ ਸੰਭਾਲ ਅਤੇ ਰੈਗੂਲੇਟਰੀ ਪਾਲਣਾ ਦੀ ਨਿਗਰਾਨੀ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ।
