Trump ਦੇ Resort ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕਰਦੇ ਨੌਜਵਾਨ ਨੂੰ ਗੋਲੀ ਮਾਰੀ

ਅਮਰੀਕੀ ਸੀਕਰੇਟ ਸਰਵਿਸ ਅਤੇ ਸਥਾਨਕ ਪੁਲੀਸ ਨੇ ਐਤਵਾਰ ਤੜਕਸਾਰ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਫਲੋਰਿਡਾ ਸਥਿਤ ਮਾਰ-ਏ-ਲਾਗੋ ਰਿਜ਼ੋਰਟ ਵਿੱਚ ਸੁਰੱਖਿਆ ਘੇਰਾ ਤੋੜ ਕੇ ਦਾਖਲ ਹੋਣ ਵਾਲੇ ਇੱਕ ਹਥਿਆਰਬੰਦ ਵਿਅਕਤੀ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ। ਅਧਿਕਾਰੀਆਂ ਅਨੁਸਾਰ ਘਟਨਾ ਵੇਲੇ ਰਾਸ਼ਟਰਪਤੀ ਟਰੰਪ ਵਾਸ਼ਿੰਗਟਨ ਵਿੱਚ ਸਨ ਅਤੇ ਰਿਜ਼ੋਰਟ ਵਿੱਚ ਮੌਜੂਦ ਨਹੀਂ ਸਨ। ਸੀਕਰੇਟ ਸਰਵਿਸ ਮੁਤਾਬਕ 20 ਸਾਲਾ ਨੌਜਵਾਨ ਉੱਤਰੀ ਕੈਰੋਲੀਨਾ ਦਾ ਰਹਿਣ ਵਾਲਾ ਸੀ ਅਤੇ ਕੁਝ ਦਿਨ ਪਹਿਲਾਂ ਹੀ ਉਸ ਦੇ ਪਰਿਵਾਰ ਨੇ ਉਸ ਦੀ ਗੁੰਮਸ਼ੁਦਗੀ ਦੀ ਰਿਪੋਰਟ ਦਰਜ ਕਰਵਾਈ ਸੀ। ਉਹ ਆਪਣੇ ਨਾਲ ਇੱਕ ਸ਼ਾਟਗਨ (ਬੰਦੂਕ) ਅਤੇ ਤੇਲ ਦਾ ਕੈਨ ਲੈ ਕੇ ਆਇਆ ਸੀ। ਰਾਤ ਦੇ ਕਰੀਬ 1:30 ਵਜੇ ਜਦੋਂ ਇੱਕ ਹੋਰ ਗੱਡੀ ਰਿਜ਼ੋਰਟ ਦੇ ਉੱਤਰੀ ਗੇਟ ਤੋਂ ਬਾਹਰ ਨਿਕਲ ਰਹੀ ਸੀ, ਤਾਂ ਉਸ ਨੇ ਮੌਕਾ ਪਾ ਕੇ ਆਪਣੀ ਗੱਡੀ ਅੰਦਰ ਵਾੜ ਦਿੱਤੀ।