ਮਸ਼ਹੂਰ ਅਫਰੀਕੀ-ਅਮਰੀਕੀ ਗਾਇਕਾ ਮੈਰੀ ਮਿਲਬੇਨ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦੂਜੇ ਕਾਰਜਕਾਲ ’ਚ ਭਾਰਤ ਤੇ ਅਮਰੀਕਾ ਵਿਚਾਲੇ ਕਮਜ਼ੋਰ ਹੁੰਦੇ ਰਿਸ਼ਤਿਆਂ ’ਤੇ ਬਾਹਰੀ ਚਿੰਤਾ ਤੇ ਨਿਰਾਸ਼ਾ ਪ੍ਰਗਟ ਕੀਤੀ ਹੈ। ਉਨ੍ਹਾਂ ਨੇ ਸਪੱਸ਼ਟ ਸ਼ਬਦਾਂ ’ਤੇ ਕਿਹਾ ਕਿ ਇਸ ਵਾਰੀ ਟਰੰਪ ਨੂੰ ਭਾਰਤ ਦੇ ਮਾਮਲਿਆਂ ’ਤੇ ਪ੍ਰਸ਼ਾਸਨ ਦੇ ਅੰਦਰ ਤੋਂ ਗਲਤ ਲੋਕਾਂ ਵਲੋਂ ਸਲਾਹ ਦਿੱਤੀ ਗਈ, ਜਿਸ ਨਾਲ ਦੋਵਾਂ ਦੇਸ਼ਾਂ ’ਚ ਤਣਾਅ ਵਧਿਆ ਹੈ।ਇਕ ਖਾਸ ਇੰਟਰਵਿਊ ’ਚ ਮਿਲਬੇਨ ਨੇ ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਦੀ ਹਾਲੀਆ ਭਾਰਤ ਯਾਤਰਾਤੇ ਗੱਲ ਕੀਤੀ। ਹਾਲਾਂਕਿ ਉਨ੍ਹਾਂ ਨੇ ਭਾਰਤੀ ਲੀਡਰਸ਼ਿਪ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮਹਿਮਾਨਨਿਵਾਜ਼ੀ ਦੀ ਪ੍ਰਸੰਸਾ ਕੀਤੀ, ਪਰ ਉਨ੍ਹਾਂ ਸਾਫ਼ ਕਿਹਾ ਕਿ ਇਸ ਯਾਤਰਾ ਨਾਲ ਦੁਵੱਲੇ ਸਬੰਧਾਂ ’ਚ ਕੋਈ ਵੱਡਾ ਸੁਧਾਰ ਨਹੀਂ ਹੋਇਆ। ਉਨ੍ਹਾਂ ਕਿਹਾ ਕਿ ਸਪੱਸ਼ਟ ਕਹਾਂ ਤਾਂ ਟਰੰਪ ਪ੍ਰਸ਼ਾਸਨ ਨੇ ਭਾਰਤ ਦੇ ਨਾਲ ਰਿਸ਼ਤੇ ਸੁਧਾਰਣ ਲਈ ਕੋਈ ਅਸਲੀ ਕਦਮ ਨਹੀਂ ਚੁੱਕੇ। ਇਹ ਸਿਆਸੀ ਨੁਕਸਾਨ ਏਨਾ ਡੂੰਘਾ ਹੈ ਕਿ ਇਸਨੂੰ ਇਕ ਕੂਟਨੀਤਕ ਦੌਰੇ ਨਾਲ ਠੀਕ ਨਹੀਂ ਕਿਹਾ ਜਾ ਸਕਦਾ।
ਇਸ ਲਈ ਅਗਲੇ ਚੋਣ ਚੱਕਰ ਦਾ ਇੰਤਜ਼ਾਰ ਕਰਨਾ ਪਵੇਗਾ। ਪ੍ਰਧਾਨ ਮੰਤਰੀ ਮੋਦੀ ਸਮੇਤ ਦੁਨੀਆ ਭਰ ਦੇ ਆਗੂ ਨਵੰਬਰ ’ਚ ਹੋਣ ਵਾਲੇ ਅਮਰੀਕੀ ਰਾਸ਼ਟਰਪਤੀ ’ਤੇ ਕਰੀਬ ਤੋਂ ਨਜ਼ਰ ਰੱਖ ਰਹੇ ਹਨ। ਮਿਲਬੇਨ ਨੇ ਟਰੰਪ ਦੇ ਪਹਿਲੇ ਕਾਰਜਕਾਲ (ਜਦੋਂ ਹਾਊਡੀ ਮੋਦੀ ਵਰਗਾ ਇਤਿਹਾਸਕ ਆਯੋਜਨ ਹੋਇਆ ਸੀ) ਤੇ ਮੌਜੂਦਾ ਕਾਰਜਕਾਲ ’ਚ ਇਕ ਵੱਡਾ ਫਰਕ ਰੇਖਾਂਕਿਤ ਕੀਤਾ। ਉਨ੍ਹਾਂ ਦੇ ਮੁਤਾਬਕ, ਪਹਿਲੇ ਕਾਰਜਕਾਲ ਦੇ ਸਲਾਹਕਾਰਾਂ ਦੇ ਮਨ ’ਚ ਭਾਰਤ ਤੇ ਭਾਰਤੀ-ਅਮਰੀਕੀ ਫਿਰਕੇ ਦੇ ਪ੍ਰਤੀ ਡੂੰਘਾ ਸਨਮਾਨ ਸੀ। ਟਰੰਪ 2.0 ’ਚ ਭਾਰਤ ਨਾਲ ਜੁੜੀ ਟੈਰਿਫ ਨੀਤੀ ’ਤੇ ਰਾਸ਼ਟਰਪਤੀ ਨੂੰ ਗਲਤ ਸਲਾਹ ਦਿੱਤੀ ਗਈ।
ਮਿਲਬੇਨ ਨੇ ਪ੍ਰਸ਼ਾਸਨ ਵੱਲੋਂ ਪਰਵਾਸੀਆਂ ਤੇ ਭਾਰਤੀ-ਅਮਰੀਕੀ ਫ਼ਿਰਕੇ ਖਿਲਾਫ਼ ਕੀਤੀਆਂ ਗਈਆਂ ਨਕਾਰਾਤਮਕ ਟਿੱਪਣੀਆਂ ’ਤੇ ਡੂੰਘਾ ਦੁੱਖ ਤੇ ਇਤਰਾਜ਼ ਪ੍ਰਗਟਾਇਆ। ਉਨ੍ਹਾਂ ਮੌਜੂਦਾ ਅਮਰੀਕੀ ਰਾਜਦੂਤ ਸਰਜੀਓ ਗੋਰ ਦੀਆਂ ਕੋਸ਼ਿਸ਼ਾਂ ਦੀ ਪ੍ਰਸੰਸਾ ਕੀਤੀ, ਪਰ ਨਾਲ ਹੀ ਜ਼ੋਰ ਦੇ ਕੇ ਕਿਹਾ ਕਿ ਭਾਰਤ ਅਮਰੀਕਾ ਦਾ ਸਭ ਤੋਂ ਮਹੱਤਵਪੂਰਨ ਲੋਕਤੰਤਰੀ ਭਾਈਵਾਲ ਹੈ। ਭਵਿੱਖ ਤੇ ਅਮਰੀਕੀ ਆਗੂਆਂ ਨੂੰ ਸਟੈਚੂ ਆਫ ਲਿਬਰਟੀ ਦੀ ਭਾਵਨਾ ਨੂੰ ਅਪਣਾਉਂਦੇ ਹੋਏ ਮਨੁੱਖੀ ਮਾਣ ਤੇ ਸਨਮਾਨ ਦੇ ਨਾਲ ਨੀਤੀਗਤ ਸੰਵਾਦ ਕਰਨਾ ਚਾਹੀਦਾ ਹੈ।
