ਚੰਡੀਗੜ੍ਹ ਵਿਚ ਸਾਈਕਲ ਰੇਹੜੀ ’ਤੇ ਕੂੜਾ ਇਕੱਠਾ ਕਰਨ ਵਾਲੇ ਸਾਬਕਾ ਆਈਪੀਐੱਸ ਅਧਿਕਾਰੀ ਇੰਦਰਜੀਤ ਸਿੰਘ ਸਿੱਧੂ, ਮਨੀਪੁਰ ਦੀ ਇੱਕ ਸੌ ਸਾਲਾ ਨਰਤਕੀ ਅਤੇ ਮਹਾਰਾਸ਼ਟਰ ਵਿਚ neonatology ਦੀ ਜਨਨੀ ਉਨ੍ਹਾਂ 45 ਅਣਗੌਲਿਆਂ ਨਾਇਕਾਂ ਵਿੱਚੋਂ ਹਨ ਜਿਨ੍ਹਾਂ ਨੂੰ ਸਰਕਾਰ ਨੇ ਇਸ ਸਾਲ ਪਦਮ ਸ੍ਰੀ ਲਈ ਚੁਣਿਆ ਗਿਆ ਹੈ। ਇਨ੍ਹਾਂ ਨੂੰ ‘ਪੀਪਲਜ਼ ਪਦਮ’ (ਲੋਕਾਂ ਦੇ ਪਦਮ) ਕਿਹਾ ਜਾਂਦਾ ਹੈ ਤੇ ਇਸ ਦਾ ਮਕਸਦ ਉਨ੍ਹਾਂ ਆਮ ਭਾਰਤੀਆਂ ਦਾ ਸਨਮਾਨ ਕਰਨਾ ਹੈ, ਜਿਨ੍ਹਾਂ ਅਸਾਧਾਰਨ ਯੋਗਦਾਨ ਪਾਇਆ ਹੈ।
ਇਸ ਸਾਲ ਦੇ ਪਦਮ ਪੁਰਸਕਾਰਾਂ ਵਿਚ ਪੂਰੇ ਭਾਰਤ ਵਿਚ ਕਈ ਗੁਮਨਾਮ ਨਾਇਕਾਂ ਨੂੰ ਸਨਮਾਨਿਤ ਕੀਤਾ ਗਿਆ ਹੈ। ਅਧਿਕਾਰਤ ਬਿਆਨ ਵਿਚ ਕਿਹਾ ਗਿਆ ਕਿ ‘ਹਰ ਕਿਸੇ ਨੇ ਆਪਣੇ ਚੋਣਵੇਂ ਖੇਤਰ ਵਿਚ ਬਿਹਤਰੀਨ ਪ੍ਰਦਰਸ਼ਨ ਦੇ ਨਾਲ ਨਾਲ ਸਮਾਜ ਦੀ ਸੇਵਾ ਕਰਨ ਲਈ ਬਹੁਤ ਸਾਰੀਆਂ ਨਿੱਜੀ ਮੁਸ਼ਕਲਾਂ ਤੇ ਦੁਖਦ ਘਟਨਾਵਾਂ ਦਾ ਸਾਹਮਣਾ ਕੀਤਾ ਹੈ। ਇਨ੍ਹਾਂ ਵਿਚ ਹਾਸ਼ੀਏ ’ਤੇ ਧੱਕੇ ਪੱਛੜੇ ਤੇ ਦਲਿਤ ਭਾਈਚਾਰਿਆਂ, ਆਦਿਵਾਸੀ ਜਨਜਾਤੀਆਂ ਅਤੇ ਦੂਰ ਦੁਰਾਡੇ ਤੇ ਮੁਸ਼ਕਲ ਇਲਾਕਿਆਂ ਤੋਂ ਆਉਣ ਵਾਲੇ ਲੋਕ ਸ਼ਾਮਲ ਹਨ।’’
