ਕਾਠਮੰਡੂ: ਨੇਪਾਲ ਨੇ ਭਾਰਤੀ ਕਰੰਸੀ ਦੇ ਆਉਣ-ਜਾਣ ‘ਤੇ ਲੱਗੀਆਂ ਪਾਬੰਦੀਆਂ ਵਿੱਚ ਛੋਟ ਦਿੱਤੀ ਹੈ। ਹੁਣ ਭਾਰਤੀ ਅਤੇ ਨੇਪਾਲੀ ਨਾਗਰਿਕ 9 ਨਵੰਬਰ 2016 ਤੋਂ ਬਾਅਦ ਜਾਰੀ ਕੀਤੇ ਗਏ 200 ਅਤੇ 500 ਰੁਪਏ ਦੇ ਭਾਰਤੀ ਨੋਟ ਆਪਣੇ ਨਾਲ ਲੈ ਕੇ ਜਾ ਸਕਦੇ ਹਨ। ਨੇਪਾਲ ਰਾਸ਼ਟਰ ਬੈਂਕ (NRB) ਮੁਤਾਬਕ, ਇਹਨਾਂ ਨੋਟਾਂ ਨੂੰ ਪ੍ਰਤੀ ਵਿਅਕਤੀ 25,000 ਰੁਪਏ ਦੀ ਸੀਮਾ ਤੱਕ ਨੇਪਾਲ ਵਿੱਚ ਲਿਆਂਦਾ ਜਾਂ ਲਿਜਾਇਆ ਜਾ ਸਕਦਾ ਹੈ। ਨਿਊਜ਼ ਏਜੰਸੀ ਪੀਟੀਆਈ (PTI) ਅਨੁਸਾਰ, ਨਵੇਂ ਨਿਯਮਾਂ ਤਹਿਤ ਦੋਵਾਂ ਦੇਸ਼ਾਂ ਦੇ ਨਾਗਰਿਕ ਮੌਜੂਦਾ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਮਨਜ਼ੂਰ ਕੀਤੇ ਗਏ ਕਰੰਸੀ ਨੋਟ ਨੇਪਾਲ ਲਿਆ ਸਕਦੇ ਹਨ। ਨੋਟਬੰਦੀ ਤੋਂ ਪਹਿਲਾਂ ਜਾਰੀ ਕੀਤੇ ਨੋਟ ਰਹਿਣਗੇ ਪਾਬੰਦੀਸ਼ੁਦਾ
ਐੱਨ.ਆਰ.ਬੀ. ਨੇ ਆਪਣੀ ਤਾਜ਼ਾ ਸੂਚਨਾ ਵਿੱਚ ਸਪੱਸ਼ਟ ਕੀਤਾ ਹੈ ਕਿ 2016 ਵਿੱਚ ਨੋਟਬੰਦੀ ਤੋਂ ਪਹਿਲਾਂ ਜਾਰੀ ਕੀਤੇ ਗਏ ਪੁਰਾਣੇ ਭਾਰਤੀ ਕਰੰਸੀ ਨੋਟ ਨੇਪਾਲ ਵਿੱਚ ਪਾਬੰਦੀਸ਼ੁਦਾ ਹੀ ਰਹਿਣਗੇ। ਐੱਨ.ਆਰ.ਬੀ. ਨੇ ਇਹ ਵੀ ਕਿਹਾ ਕਿ ਨਵੀਂ ਵਿਵਸਥਾ ਤਹਿਤ ਸਿਰਫ਼ 9 ਨਵੰਬਰ 2016 ਤੋਂ ਬਾਅਦ ਜਾਰੀ ਕੀਤੇ ਗਏ ਨਵੇਂ ਡਿਜ਼ਾਈਨ ਵਾਲੇ 500 ਰੁਪਏ ਅਤੇ 200 ਰੁਪਏ ਦੇ ਭਾਰਤੀ ਨੋਟਾਂ ਨੂੰ ਹੀ ਮਨਜ਼ੂਰੀ ਦਿੱਤੀ ਜਾਵੇਗੀ।
ਕੇਂਦਰੀ ਬੈਂਕ ਨੇ ਸ਼ੁਰੂ ਵਿੱਚ 11 ਫਰਵਰੀ ਨੂੰ ਨੇਪਾਲ ਗਜ਼ਟ ਵਿੱਚ ਇਹ ਪ੍ਰਾਵਧਾਨ ਪ੍ਰਕਾਸ਼ਿਤ ਕੀਤਾ ਸੀ। ਹਾਲਾਂਕਿ ਵੀਰਵਾਰ ਨੂੰ ਉਸਨੇ ਇੱਕ ਹੋਰ ਸੂਚਨਾ ਜਾਰੀ ਕਰਕੇ ਇਸ ਦੇ ਲਾਗੂ ਹੋਣ ਦੀ ਪ੍ਰਕਿਰਿਆ ਨੂੰ ਸਪੱਸ਼ਟ ਕੀਤਾ ਅਤੇ ਸਰਹੱਦ ਪਾਰ ਕਰੰਸੀ ਦੇ ਲੈਣ-ਦੇਣ ਨਾਲ ਜੁੜੀਆਂ ਚਿੰਤਾਵਾਂ ਨੂੰ ਦੂਰ ਕੀਤਾ।
ਕਿਹੜੇ ਲੋਕਾਂ ਨੂੰ ਹੋਵੇਗੀ ਇਜਾਜ਼ਤ
