ਕਰਾਚੀ ਦੇ ਸ਼ਾਪਿੰਗ ਮਾਲ ਵਿਚ ਲੱਗੀ ਅੱਗ ’ਚ ਮਰਨ ਵਾਲਿਆਂ ਦੀ ਗਿਣਛੀ ਵੱਧ ਕੇ 14 ਹੋ ਗਈ ਹੈ। ਰਾਹਤ ਤੇ ਬਚਾਅ ਕਾਰਜਾਂ ਵਿਚ ਲੱਗੀ ਟੀਮ ਨੇ ਇਮਾਰਤ ਦੇ ਮਲਬੇ ’ਚੋਂ ਅੱਠ ਹੋਰ ਲਾਸ਼ਾਂ ਬਰਾਮਦ ਕੀਤੀਆਂ ਹਨ। ਕਾਬਿਲੇਗੌਹ ਹੈ ਗੁਲ ਪਲਾਜ਼ਾ ਵਿਚ ਸ਼ਨਿੱਚਰਵਾਰ ਰਾਤ ਨੂੰ ਅੱਗ ਲੱਗ ਗਈ ਸੀ। ਅੱਗ ਨੇ ਮਾਲ ਦੇ ਬੇਸਮੈਂਟ ਵਿਚਲੀਆਂ ਦੁਕਾਨਾਂ, ਪਰਛੱਤੀ ਤੇ ਤਿੰਨ ਹੋਰ ਮੰਜ਼ਿਲਾਂ ਨੂੰ ਆਪਣੀ ਲਪੇਟ ਵਿਚ ਲੈਲਿਆ। ਅੱਗ ’ਤੇ ਐਤਵਾਰ ਰਾਤ ਨੂੰ ਕਾਬੂ ਪਾਇਆ ਗਿਆ।
ਅੱਗ ਲੱਗਣ ਤੋਂ ਫੌਰੀ ਮਗਰੋਂ ਛੇ ਲਾਸ਼ਾਂ ਮਿਲੀਆਂ। ਉਨ੍ਹਾਂ ਦੀ ਮੌਤ ਦਮ ਘੁੱਟਣ ਕਾਰਨ ਹੋਈ ਸੀ ਜਦੋਂ ਕਿ ਦਰਜਨਾਂ ਜ਼ਖਮੀਆਂ ਨੂੰ ਹਸਪਤਾਲਾਂ ਵਿੱਚ ਭੇਜਿਆ ਗਿਆ ਸੀ। ਅੱਗ ਦੇ ਤੇਜ਼ੀ ਨਾਲ ਫੈਲਣ ਕਰਕੇ ਬਚਾਅ ਟੀਮਾਂ ਅੰਦਰ ਨਹੀਂ ਜਾ ਸਕੀਆਂ।
